• ಛತ್ತೀಸ್‌ಘಡಾಂತ್ ದೊಗಾಂ ಮಲಯಾಳಿ ಧರ್ಮ್ ಭಯ್ಣಿಂ ಆರೆಸ್ಟ್
• ರಾಹುಲ್‌ಗಾಂಧಿ ತಶೆಂಚ್ ಹೆರ್ ರಾಜಕೀಯ್ ಮುಕೆಲ್ಯಾಂನಿ ಹೆಂ ಘಡಿತ್ ಖಂಡನ್ ಕೆಲಾಂ
• ಕೇರಳಾಚೊ ಮುಖ್ಯ್‌ಮಂತ್ರಿ ಪಿನೆರಾಯ್ ವಿಜೆಯನಾನ್ ಪ್ರತಿಕಿಯಾ ವ್ಯಕ್ತ್ ಕೆಲಾಂ.
• ತುರ್ತಾನ್ ಸುಟ್ಕಾ ದೀಂವ್ಕ್ ಪ್ರಧಾನ್ ಮಂತ್ರಿಕ್ ಪತ್ರ್ ಬರಯ್ಲಾಂ.
• ಸಂಘ್ ಪರಿವಾರಾಂಚೆ ಶಾಂತಿ ನಾಸ್ ಕರ್‍ಚೆಂ ಘಡಿತ್ ಮ್ಹಣ್ ಕೇರಳಾ ವಿರೋಧ್ ಪಾಡ್ತಿಚಾ ಮುಕೆಲ್ಯಾಂನ್ ಅಭಿಪ್ರಾಯ್ ಉಚಾರ್‍ಲ್ಯಾ.

ಛತ್ತೀಸ್‌ಘಡಾಂತ್ ದೊಗಾಂ ಮಲಯಾಳಿ ಧರ್ಮ್ ಭಯ್ಣಿಂ ಆರೆಸ್ಟ್ ಕೆಲ್ಲ್ಯಾನ್ ಕೇರಳಾಂತ್ ವಿರೋದ್ಪಣ್ ವ್ಯಕ್ತ್ ಕೆಲಾಂ. ಚತ್ತೀಸ್‌ಘಡಾಂತ್ ಮೇರಿ ಇಮ್ಯಾಕುಲೇಟ್ ಆಫ್ ಆಸಿಸ್ಸಿ ಮೆಳಾಚಿ ಸಾಂದೆ ಜಾವ್ನಾಸ್ಲ್ಯಾ ಸಿ.ವಂದನಾ ಪ್ರಾನ್ಸಿಸ್ ಆನಿ ಪ್ರೀತಿ ಮೇರಿ ಹ್ಯಾ ದೊಗಾಂ ಧರ್ಮ್‌ಭಯ್ಣಿಂಕ್ ಕೈದ್ ಕೆಲಾಂ.
ನಾರಾಯಣ್ ಜಿಲ್ಲೆಚ್ಯಾ 18 ವ 19 ವರ್‍ಸಾಂಚಾ ದೊಗಾಂ ಸ್ತ್ರೀಂಯಾ ಸಾಂಗಾಗಾ ವೆತಸ್ತಾನಾ ಅನ್ಯೇಕಾ ವ್ಯಕ್ತಿಂ ಸವೆಂ ತಾಂಕಾಂ ಬಂದಿ ಕೆಲಾಂ.
ತಾಂಚೆರ್ ಬಾರತೀಯ್ ನ್ಯಾಯ್ ಸಂಹಿತೆ ಬಿ‌ಎನ್‌ಎಸ್ ಆನಿ ಛತ್ತೀಸ್‌ಘಡ್ಚೊ ದಾರ್ಮಿಕ್ ಕಾಯ್ದೊ 1968ರ ಪ್ರಕಾರ್ ಮನ್ಶಾಂ ಚೊರ್‍ಪಣಾಂ ಆನಿ ಧರ್ಮಚಾ ಮತಾಂತರಚೊ ಆರೋಪ್ ತಾಂಚೆರ್ ಮಾಂಡ್ಲಾ.

ಹ್ಯಾ ಧರ್ಮಭಯ್ಣಿಂಚೊ ಗಾಂವ್ ಕೇರಳಾ. ರಾಯ್‌ಪುರಾ ಆರ್ಚ್‌ದಿಯೆಸೆಜ್ ವಿಗಾರ್ ಜನರಲ್ ಬಾಪ್ ಸೆಬಾಸ್ಟಿಯನ್ ಪೊಮಟ್ಟಮಾಚಾ ಉತ್ರಾಂ ಪ್ರಕಾರ್ ಆಗ್ರಾಚಾ ಕೊಂವೆಂತಾಂಕ್ ಘರ್ ಕಾಮಾಕ್ ತಾಂಕಾಂ ತಿಂ ವರ್‍ಚ್ಯಾರ್ ಆಸ್‌ಲ್ಲಿಂ. ತಾಂಕಾಂ ತಾಂಚಾ ವ್ಹಡಿಲಾಂ ಥಾವ್ನ್ ಒಪ್ಪಿಗೆ ಆಸೊನ್ 18 ವರ್‍ಸಾಂ ವಯ್ಲಿಂ ಜಾವ್ನಾಸ್‌ಲ್ಲಿಂ ಮ್ಹಣ್ ತಾಚಾ ವರ್‍ದೆಂತ್ ತಿಳ್ಸಿಲಾಂ.

ಎಕಾ ವ್ಯಕ್ತಿ ಸಾಂಗಾತಾ ಧರ್ಮಭಯ್ಣಿಂ ರಯ್ಲ್ ವೇ ಪ್ಲಾಟ್‌ಫೊರ್ಮಂತ್ ರಾಕೊನ್ ರಾವ್ಲ್ಯಾ ವೆಳಾರ್ ದೊಗಾಂ ಸ್ತ್ರೀಯೊ ಯೆತಚ್ಚ್ ರಯ್ಲ್‌ವೇ ಅಧಿಕಾರಿಂನಿ ತಾಂಚಿ ಟಿಕೆಟ್ ವಿಚಾರ್‍ಲಿ. ತಾಣಿಂ ಟಿಕೆಟ್ ಸಿಸ್ಟ್ರಾಲಾಗಿಂ ಆಸಾತ್ ಮ್ಹಣ್ ತಿಳ್ಸಿಲೆಂ. ಥೊಡ್ಯಾ ವೆಳಾನ್ ತ್ಯಾ ಅಧಿಕಾರಿಂನಿ ಹಿ ಮಾಹೆತ್ ಬಜರಂಗ್ ದಳಾಂಚಾ ಮುಕೆಲ್ಯಾಂಕ್ ತಿಳ್ಸುನ್ ಚಡಿತ್ ಸಂಖ್ಯಾಂನಿ ಥಂಯ್ಸರ್ ಹಾಜರ್ ಜಾಲೆ. ರಯ್ಲ್ ವೇ ಪೊಲಿಸಾಂನಿ ಧರ್ಮ್‌ಭಯ್ಣಿಂ, ತೊ ವ್ಯಕ್ತಿ ಆನಿ ತೆಗಾಂ ಸ್ತ್ರೀಯಾಂಕ್ ಬಂಧಿ ಕೆಲೆಂ. ಭಜರಂಗ ದಳಾಚಾ ಅದಿಕಾರಿಂನಿ ಸ್ಟೇಶನಾ ಮುಖಾರ್ ಪ್ರತಿಭಟನ್ ಕರ್‍ನ್ ಎಫ್‌ಐ‌ಆರ್ ದಾಖಲ್ ಕರುಂಕ್ ಒತ್ತಡ್ ಹಾಡ್ಲೊ. ಉಪ್ರಾಂತ್ ದೊಗಾಂ ಸ್ತ್ರೀಯಾಂಕ್ ಸರ್ಕಾರಿ ಆಶ್ರಯಾಚಾ ಘರಾಂ ದಾಡ್ಲೆಂ. ದೊಗಾಂ ಧರ್ಮ್‌ಭಯ್ಣಿಂಕ್ ಆನಿ ತ್ಯಾ ವ್ಯಕ್ತಿಕ್ ಆಗೋಸ್ತ್ 8 ತಾರಿಕೆ ಮ್ಹಣಾಸರ್ ಜೈಲಾಂತ್ ಬಂದಿ ಕೆಲಾಂ.

ಢೆಲ್ಲಿಚಿ ಸಿ. ಆಶಾ ಪೌಲಾನ್ ಸಾಂಗ್ಚೆ ಪ್ರಕಾರ್ ಸಿಸ್ಟ್ರಾಂಚಿ ಭೆಟ್ ಕರುಂಕ್ ಖಂಚ್ಯಾಯ್ ಕ್ರೀಸಾಂವ್ ಮಕೆಲ್ಯಾಂಕ್ ಆವ್ಕಾಸ್ ದೀಂವ್ಕ್ ನಾ ತಿ ಬೆಜಾರಾಯೆಚಿ ಗಜಾಲ್. ತೆಗಾಂ ಸ್ತ್ರೀಯಾಂಕ್ ತಾಂಚಾ ಖುಶೆವಿರೋದ್ ಸಿಸ್ಟಾಂ ಆಪವ್ನ್ ವ್ಹರುಂಕ್ ಆಯ್ಲಿಂ ಮ್ಹಣ್ ಸಾಂಗುಂಕ್ ತಾಂಚೆರ್ ದಬಾವ್ ಘಾಲುನ್ ಆಸಾತ್. ಹೆಂ ಮಂತಾತರ್ ನ್ಹಯ್ ಮ್ಹಣ್ ಸಾಂಗುಂಕ್ ಆಮ್ಚೆಲಾಗಿಂ ದಾಕ್ಲೆ ಆಸಾತ್ ಮ್ಹಣ್ ಸಿಸ್ಟರ್ ಆಶಾ ಪೌಲನ್ ತಿಳ್ಸಿಲಾಂ. ಕ್ರಿಸ್ತಾಂವ್ ಸಮುದಾಯಾಂಚಾ ಸಾಂದ್ಯಾಂನಿ ಹೆಂ ಖಡಿತ್ ತೀವ್ರ್ ರಿತಿನ್ ಖಂಡನ್ ಕೆಲಾಂ.

ಲೋಕ್‌ಸಭ್ ವಿರೋದ್ ಪಾಡ್ತಿಚೊ ಮುಕೆಲಿ ರಾಹುಲ್ ಗಾಂಧಿನ್ ಹೆಂ ಘಡಿತ್ ಬಿಜೆಪಿ ಆಡಳ್ತೆಂತ್ ಅಲ್ಪಸಂಖ್ಯಾತ್ ಲೊಕಾಚೆರ್ ವ್ಯವಸ್ಥಿತಿ ರಿತಿನ್ ಕರ್‍ಚ್ಯಾ ಹಿಂಸಾ ಮ್ಹಣ್ ತಾಂಣಿಂ ತಿಳ್ಸಿಲಾಂ. ಮನ್ಶಾಂ ಚೊರ್‍ಪಣಾ ಕಾಯ್ದಾಕಾಲ್ ಬಂಧಿ ಕೆಲ್ಯಾ ಉಪ್ರಾಂತ್ ಕೇರಳಾಂತ್ ಜಾಯ್ತಿಂ ಪ್ರತಿಭಟನಾಂ ಚಲ್ಲ್ಯಾ ಉಪ್ರಾಂತ್ ಕೆರಳಾಚೊ ಮುಖಮಂತ್ರಿ ಪಿನಾರಾಯ್ ವಿಜಿಯನಾನ್ ಪ್ರಧಾನಿ ಮಂತ್ರಿ ಹ್ಯಾವಿಶಿಂ ಪತ್ರ್ ಬರವ್ನ್ ತಾಂಕಾಂ ವೆಗ್ಗಿಂತ್ ಸುಟ್ಕಾ ಲಾಭಂವ್ಕ್ ಒತ್ತಾಯ್ ಕೆಲ್ಯಾ. ಕಾಂಗ್ರೆಸಾಚೊ ಪ್ರಧಾನ್ ಮುಕೆಲಿ ಕೆ.ಸಿ. ವೇಣುಗೋಪಾಲ್, ಗೃಹಮಂತ್ರಿ ಆನಿ ಛತ್ತೀಸ್‌ಗಡ್ ಮುಕೆಲ್ ಮಂತ್ರಿಕ್ ವೆಗ್ಗಿಂಚ್ ನಿರ್ಣಯ್ ಘೆಂವ್ಕ್ ಪತ್ರಾಂ ಬರಯ್ಲ್ಯಾಂತ್.