“ಹಾಂವ್ ಆಯ್ಲಾಂ ಕುರ್ಡ್ಯಾಂಕ್ ದೀಶ್ಟ್ ದೀಂವ್ಕ್..” ಮ್ಹಣೊನ್ ಜೆಜುನ್ ಆಪ್ಣಾಚೆಂ ಮಿಸಾಂವ್ ಸುರ್‍ವಾತ್ಲೆಂ (ಲೂಕ್ 4:18)

📰 ಬೆಂಗ್ಳುರ್, ಮೇ 25 ::ಅಂಧ್ ಆವಯ್-ಬಾಪಯ್ಚ್ಯಾ ಭುರ್ಗ್ಯಾಂಕ್ ಶಿಕ್ಪಾ ಕುಮೊಕ್ ದಿಂವ್ಚಿ ಯೆವ್ಜಣ್ ಮರಿಯ ನಿಕೇತನ್ ಇಸ್ಕೊಲಾಚ್ಯಾ ಹೊಲಾಂತ್ ‘ವಿಶನ್ ಫೊರ್ ಫ್ಯೂಚರ್’ ಬೊಂದೆರಾಖಾಲ್ ಧ್ಯಾನ ಜ್ಯೊತಿ ಟ್ರಸ್ಟ್, ಕಾರ್ಮೆಲಿತ್ ಸಂಸ್ಥ್ಯಾನ್ ಚಲವ್ನ್ ವ್ಹೆಲೆಂ. ಕರ್ನಾಟಕ್ ಗೋಂಯ್ ಪ್ರಾಂತ್ಯಾಚೆ ಪ್ರಾಂತ್ರೀಯ್ ವ್ಹಡಿಲ್ ಬಾಪ್ ಸಿಲ್ವೆಸ್ಟರ್ ಡಿಸೋಜಾ ಆನಿ  ಬಾಪ್ ಐವನ್ ಡಿ ಸೋಜಾ, ಧ್ಯಾನಜ್ಯೋತಿ ಟ್ರಸ್ಟಾಚೆ ದಿರೆಕ್ತೊರ್, ಹಾಂಚ್ಯಾ ಉಪಸ್ತಿತೆಂತ್ ಸುಮಾರ್ 6 ಲಾಖ್ ರುಪಯ್ 30 ಜಣಾಂ ಭುರ್ಗ್ಯಾಂಕ್ ಶಿಕ್ಪಾಕ್ ಆಧಾರ್ ಜಾವ್ನ್ ದಿಲೊ. ಶ್ರೀಮತಿ ನೆಲ್ಲಿ ಪಿಕಾರ್ಡೊನ್ ಕಾರ್ಯಕ್ರಮ್ ಮಾಂಡುನ್ ಹಾಡ್‌ಲ್ಲೆಂ.

ಕಾರ್ಮೆಲಿತ್ ಸಂಸ್ಥೊ – ಧ್ಯಾನ ಜ್ಯೊತಿ ಟ್ರಸ್ಟ್ ಹಾಣಿಂ 2014 ವ್ಯಾ ವರ್ಸಾ ಸುರ್ವಾತ್ ಕೆಲ್ಲೆಂ ‘ವಿಶನ್ ಫೊರ್ ಫ್ಯೂಚರ್’ ಮಣ್ಜೆ   ಅಂಧ್ ಆವಯ್-ಬಾಪಯ್ಚ್ಯಾ ಭುರ್ಗ್ಯಾಂಕ್ ಶಿಕ್ಪಾ ಕುಮೊಕ್ ದಿಂವ್ಚಿ ಅಪೂರ್ವ್ ಯೆವ್ಜಣ್ ಅಜೂನ್ ಚಾಲು ಆಸಾ. ಪಾಟ್ಲ್ಯಾ 11ವರ್ಸಾಂ ಥಾವ್ನ್ ಹಿ ನಿರಂತರ್ ಸೆವಾ ಚಲವ್ನ್ ವ್ಹರುಂಕ್ ಜಾಯ್ತ್ಯಾ ದಾನಿಂನಿ ಆಧಾರ್ ದಿಲಾ. ಭುರ್ಗ್ಯಾಂಚಿ ವ್ಹಡಿಲಾಂ ಅಂಧ್ ತರೀ ತಾಂಚ್ಯಾ ಭುರ್ಗ್ಯಾಂಕ್ ಬರೊ ಫುಡಾರ್ ಲಾಬಾಜೆ ಮ್ಹಳ್ಳ್ಯಾ ಉದ್ದೇಶಾನ್ ಸುರು ಕೆಲ್ಲಿ ಹಿ ಯೆವ್ಜಣ್ ಅಜೂನ್ ಬರೊ ಫಳ್ ದೀವ್ನ್ ಆಸಾ.

ಹರ್ಯೆಕ್ ವರ್ಸಾ ಬೈಬಲ್ ಡೈರಿ ಮುಖಾಂತ್ರ್ ಮೆಳ್ ಲ್ಲೊ ಐವಜ್ ಸ್ಕೋಲರ್ ಶಿಪ್ ಜಾವ್ನ್ ದಿತಾಂವ್. ತುಮ್ಕಾಂಯ್ 2026ವ್ಯಾ ವರ್ಸಾಚಾ  ಬೈಬಲ್ ಡೈರಿಚಾ ಎಕಾ ಪಾನಾಕ್ ರು. 1000/- ದೀವ್ನ್ ಆದಾರ್ ದಿವ್ಯೆತ್ ವ ಚಡಿತ್ ದೀಂವ್ಕ್ ಆವ್ಕಾಸ್ ಅಸಾ.

ಬ್ಯಾಂಕಾಚೊ ವಿವರ್

Bank: Dhyana Jyothi Trust; AC No: 0009053000018429; Bank Name: South Indian Bank, Cantonment Branch, Bangalore; IFSC Code: SIBL0000009