📰 Jan 28: 88 ಪ್ರಾಯೆಚೊ ಪಾಪಾ ಸೋಶಿಯಲ್ ಮಿಡಿಯಾ ವಾಪಾರ್ಚ್ಯಾಂತ್ ಹೆರ್ ಮುಕೆಲ್ಯಾಂಪ್ರಾಸ್ ಪಾಟಿಂ ನಾ. ವ್ಯಾಟಿಕನ್ ಸಮೂಹ್ ಮಾದ್ಯಮಾಂಚ್ಯಾ ವಾಪಾರ್ಣೆಕ್, ಆನಿ ತಾಚೆದ್ವಾರಿಂ ದೆವಾಚ್ಯಾ ಉತ್ರಾಚೆ ಪರ್ಗಟ್ಣೆಕ್ ಚಡಿತ್ ಗುಮಾನ್ ದಿತಾ ಮ್ಹಳ್ಳ್ಯಾಂತ್ ದೋನ್ ಉತ್ರಾಂ‌ ನಾಂತ್. AI ಸಂಸಾರಾಚೊ ಆವಿಶ್ಕಾರ್ ಜಾತಚ್ ಪಾಪಾ ಖುದ್ದ್ ತ್ಯಾವಿಶಿಂ ಉಲಯಿಲ್ಲೊ ಆಸಾ. ಆತಾಂ, ಪಾಪಾನ್ AI ಆನಿ HI ವಿಶಿಂ ಚಡಿತ್  ಚಲವ್ನ್ ವೆವೆಗ್ಳ್ಯಾ ಪ.ಸಭೆಂಚ್ಯಾ ಮಾಧ್ಯಮ್ ಪ್ರತಿನಿಧಿಲಾಗಿಂ ಉಲವ್ನ್  “ದೆವಾಚೆ ಉತರ್ ಪರ್ಗಟುಂಕ್ ಆರ್ಟಿಫಿಶಿಯಲ್ ಇಂಟಲಿಜೆನ್ಸ್ ವ್ಹರ್‍ನ್ ಚಡ್ ದೆವಾನ್ ದಿಲ್ಲ್ಯಾ ಮನ್ಶಾಚಾ ಸ್ವಾಭಾವಿಕ್ ಬುದ್ವಂತ್ಕಾಯೆಕ್ ಚಡಿತ್ ಗಮನ್ ದಿಂವ್ಚೆಂ ಬರೆಂ” ಮ್ಹಣಾಲೊ.

ವಾಂಜೆಲಾಂತ್ ಮಾಸ್ಳಿ ಧರ‍್ನ್ ಆಸ್‌ಲ್ಲ್ಯಾ ಪೆದ್ರುಕ್  ಮನ್ಶಾಚೆ ಪಾಗಿ ಜಾವ್ನ್ ಆಪಯ್ಲ್ಯಾಚೆಂ ದೃಷ್ಟಾಂತ್ ದೀವ್ನ್ ಜೆಜುಚೆಂ ಆಪೊವ್ಣೆಂ ಸ್ವೀಕಾರ್ ಕರ್ನ್ ದರ್ಯೊ ಮ್ಹಳ್ಖ್ಯಾ ಜಿವಿತಾಂತ್ ಕಂಗಾಲ್ ಜಾಲ್ಲ್ಯಾಂಥಂಯ್ ಚೂಕ್ ಚಿಂತ್ಪಾನ್ ಕಷ್ಟುಂಚಾ ಲೊಕಾಂ ಸಂಗಿಂ ನೆಟವರ್ಕ್ ರೂಪಿತ್ ಕರುಂಕ್ ಶಾಥಿ, ಬುದ್ವಂತ್ಕಾಯ್, ಹಿಕ್ಮತ್ ಗರ್ಜೆಚೆಂ ಮ್ಹಣಾಲೊ.

ಡಿಜಿಟಲ್ ಸಂಸಾರಾಂತ್ ಆರ್ಟಿಫಿಶಿಯಲ್ ಇಂಟಲಿಜೆನ್ಸ್ ಸರ್ವಸ್ವ್ ಜಾವ್ನ್  ಘೆನಾಸ್ತಾ ತಾಚೊ ಆಧಾರ್ ಘೆವ್ನ್ ಮಿಸಾಂವ್ ದೊಡ್ತ್ಯಾ ರಿತಿನ್ ಕರುಂಕ್ ಜಾಯ್. ಆರ್ಟಿಪಿಶಿಯಲ್ ಬುದ್ವಂತ್ಕಾಯೆಚ್ಯಾಕೀ ಚಡ್ ಸ್ವಾಭಾವಿಕ್ ಬುದ್ವಂತ್ಕಾಯೆ ತೆವ್ಶಿಂ ಚಡಿತ್ ಗಮನ್ ದೀಂವ್ಕ್ ಜಾಯ್.

ಸಂಸಾರಾಂತ್ ನಿರಾಶಿ ಜಾಲ್ಲ್ಯಾ, ಕಷ್ಟಾಂಕ್ ಒಳಗ್ ಜಾಲ್ಲ್ಯಾ ಥಂಯ್ ನವೊ ಭರ್ವಸೊ ರೂಪಿತ್ ಕರ‍್ಚೊ ವಾವ್ರ್ ಜಾಯ್ಜೆಯ್. ಹ್ಯಾ ಖಾತಿರ್ ಆಮಿ ಕಸಲೆಂ ಮಿಸಾಂವ್ ಹಾತಿಂ ಘೆತ್ಲಾಂ? ಆಮ್ಚೊ ಸಂವಾದ್ ಮಾಗ್ಣ್ಯಾ ಮುಖಾಂತ್ರ್ ಪ್ರೇರಿತ್ ಜಾಲಾಗೀ ವಾ ಕೇವಲ್ ರುಲಿ ರೆಗ್ರಾಂ ಪ್ರಕಾರ್ ಆಮ್ಚೆಂ ಮಿಸಾಂವ್ ಚಲ್ತಾ? ಹೆಂ ಆಮಿ ಚಿಂತುನ್ ಪಳೆಂವ್ಕ್ ಜಾಯ್. ಭರ್ವಸೊ ಕೇವಲ್ ಭ್ರಾಂತ್ ಜಾವ್ನ್ ಉರನಾಸ್ತಾಂ ಭೊಗ್ಸಾಣೆಂ ಜೊಡುಂಕ್ ಆಧಾರ್ ಜಾಯ್ಜೆ.

ದೆವಾಚೆಂ ರಾಜ್ ಲಾಗಿಂ ಪಾವ್ಲಾಂ ಮ್ಹಣ್ ಪರ್ಗಟ್ಚೆಂಚ್ ಕ್ರಿಸ್ತಾಂವಾಚೆಂ ಮಿಸಾಂವ್. ತೆಂ ರಾಜ್ ಹಾಂಗಾಸರ್ ಆಸಾ. ಹ್ಯಾ ರಾಜಾಚೊ ಅನ್ಭೋಗ್ ಹರ‍್ಯೇಕಾ ಸಂಸ್ಕೃತೆಂತ್ ಹರ‍್ಯೇಕಾ ಸಾಂದ್ಯಾಂನಿ ಅನ್ಭೋಗ್ ಕರುಂಕ್ ಜಾಯ್.

ಸಂವಾದ್ ಕರ‍್ಚೆ ಏಕ್ ತಂತ್ರ್ ವ ಯೋಜನ್ ನ್ಹಯ್. ಆಮ್ಕಾಂ ಬರೆಂ ಲಾಗ್ಲೆಂ ಸ್ಲೋಗನ್ ಪರತ್ ಪರತ್ ಸಾಂಗ್ಚೆಯ್ ನ್ಹಯ್. ಸಂವಾದ್ ಮೊಗಾಚಿ ಕರ್ನಿ ಜಾಯ್ಜೆ. ನಿಸ್ವಾರ್ಥ್ ಮೋಗ್ ಮಾತ್ರ್ ಎಕಾಮೆಕಾ ಥಂಯ್ ಬರೆಂಪಣ್ ರುತಾ ಕರುಂಕ್ ಸಕ್ತಾ. ಆಮ್ಚೊ ಸಂವಾಂದ್ ಇಗರ್ಜೆಚಾ ಕಂಪೌಂಡಾ ಥಾವ್ನ್ ಭಾಯ್ರ್ ವಚೊಂಕ್ ಜಾಯ್ ಮ್ಹಣ್ ಪಾಪಾ ಫ್ರಾನ್ಸಿಸ್ಸಾನ್ ಜಮ್ಲೆಲ್ಯಾ ಲೊಕಾಂಕ್ ತಿಳ್ಸಿಲೆಂ. ಹ್ಯಾ ಜಮಾತೆಕ್ ಸುಮಾರ್ 138 ದೇಶಾ ಥಾವ್ನ್ 10000 ಲೋಕ್ ಹಾಜರ್ ಆಸ್ಲೊ.