📰 ಮಂಗ್ಳುರ್ ಮಾರ್ಚ್ 16: ಮಂಗ್ಳುರ್ ದಿಯೆಸೆಜಿನ್ ದೆಕ್ಲಲೊ ಏಕ್ ಶ್ಯಾತಿವಂತ್, ಚಿಂತ್ಪಾನ್ ಗೂಂಡ್ ಆನಿ ವಿಶಾಲ್, ಕಾರ್ಯಾನ್ ಅಪ್ರತಿಮ್ ಆಸ್ಲಲೊ ವಿಗಾರ್ ಜೆರಾಲ್ ಮೊ. ಡೆನಿಸ್ ಮೊರಾಸ್ ಪ್ರಭು ಮಾರ್ಚ್ 16ವೆರ್ ಆಪ್ಲೆ 84ವೆ ಪ್ರಾಯೆರ್ ಅಂತರ್‍ಲೊ. ಗಾಂವಾನ್ ಬಜ್ಪೆಚೊ. ದೆ. ಪ್ರಾನ್ಸಿಸ್ ಮೊರಾಸ್ ಆನಿ ದೆ. ಜುವಾನ್ ಪಿರೇರಾ.

ಮಂಗ್ಳುರ್ ದಿಯೆಸೆಜಿಚ್ಯಾ ಹರ್ಯೆಕಾ ಫಿರ್ಗಜಾಂಚೊ ಇತಿಹಾಸ್ ಜಿಬೆ ಪೊಂತಾರ್ ಆಸೊನ್‌ ವಿಶೇಸ್ ಉಡಾಸಾ ಸಕತ್ ಆಸ್ಲಲೊ ತೊ ದಿಯೆಸೆಜಿಚ್ಯಾ ಉದರ್ಗತೆಕ್ ಬಿಸ್ಪಾಂಕ್ ಕೆದ್ನಾಂಯ್ ಬಳ್ವಂತ್ ಖಾಂಬೊ ಜಾವ್ನಾಸ್ಲೊ.

ಮಂಗ್ಳುರ್ ದಿಯೆಸೆಜಿಂತ್ ತಾಂಚಿ ಸೆವಾ:

1967 ಡಿಸೆಂಬರ್ 5 ವೆರ್ ಯಾಜಕೀ ದೀಕ್ಷಾ ಲಾಬ್ಲಿ.

ಯಾಜಕೀ ದೀಕ್ಷಾ ಲಾಬ್ಲ್ಯಾ ಉಪ್ರಾಂತ್ ಮಂಡತ್ಯಾರ್ ಫಿರ್ಗಜೆಂತ್ ಸಹಾಯಕ್ ವಿಗಾರ್ ಜಾವ್ನ್ ಸೆವಾ ಸುರ್ವಾತ್ಲಿ.

1969-1975 ಪರ‍್ಯಾಂತ್ ಶಿರ್ವಾಂ ಶಿಕ್ಷಕೀ ಸೆವಾ

ಉಪ್ರಾಂತ್ ಸಾಂ ಅಂತೊನ್ ಆಶ್ರಮಾಂತ್ ಸಹಾಯಕ್ ದಿರೆಕ್ತೊರ್

1973-1975 ದೇವ್ ಆಪೊವ್ಣೆಚೊ ದಿರೆಕ್ತೊರ್

1975 ಥಾವ್ನ್ 1985 ಪರ್ಯಾಂತ್ CBE ಸೆಕ್ರಟರಿ

1977 ಥಾವ್ನ್ 1986: ಫ್ಯಾಮಿಲ್ ಲೈಪ್ ಸರ್ವಿಸ್ ಸೆಂಟರಾಚೆ ದಿರೆಕ್ತೊರ್

1985-1993 ಮಿಲಾಗ್ರಿಸ್ ಫಿರ್ಗಜೆಚೆ ವಿಗಾರ್

1993-1996 ಪೆರ್ಮುದೆ ಫಿರ್ಗಜೆಚೆ ವಿಗಾರ್

1996-2001 ಉರ್ವಾ ಫಿರ್ಗಜೆಚೆ ವಿಗಾರ್

2001-2008 ಪರ‍್ಯಾಂತ್ ದಿಯೆಸಿಜೆಚೆ ಚಾನ್ಸರಲ್

2008-2018 ಪರ್ಯಾಂತ್ ದಿಯೆಸಿಜೆಚೆ ವಿಗಾರ್ ಜೆರಾಲ್ ಆನಿ ಸಾಂ ಅಂತೊನ್ ಆಶ್ರಮಾಚೆ ದಿರೆಕ್ತೊರ್

ಆಪ್ಲ್ಯಾ ಸಕ್ರೀಯ್ ಸೆವೆಥಾವ್ನ್ ನಿವೃತ್ತಿ ಜೊಡ್ಲ್ಯಾ ಉಪ್ರಾಂತ್ ವೈಟ್ ಡೌವ್ಸ್ ಸಂಸ್ಥ್ಯಾಂತ್ ಸೆವಾ ದೀವ್ನ್ ಆಸ್‌ಲ್ಲೆ.