English 
ಮಾಸ್ಳೆಚಿ ಬಾಯ್ಲ್ ಆನಿ ಕಳೆ
ಜಿವ್ಯೆ ಮಾಸ್ಳೆಚ್ಯೆ ಬಾಯ್ಲೆಕ್ ಕಳ್ಯಾಂಚೆರ್ ಮೋಗ್ ಜಾಲೊ ಮಾತೆಂಭರ್ ಮಾಳುನ್ ಗೆಲಿ ಗಲ್ಲೆನ್ ಗಲ್ಲಿ ಪಾಂತಿ ಪಳೇತ್ ಉರ್ಲೆ ಗಿರಾಕಿ ಭಾಟಿ ಮುಸಾಂನಿಯ್ ಹುಂಕ್ಲಿನಾ!
ಪೊಂವ್ಟೆಲ್ಲ್ಯೆ ಘಾಣಿಂತ್ ಧೊಸ್ಲಿ ಖಂತ್- ಪಾಂತಿ ವಾ ಪೋಟ್? ನಿರ್ಧಾರಾಕ್ ಆಯಿಲ್ಲ್ಯೆ ತಿಣೆಂ ಕೆಸಾಂಕ್ ಕಾತರ್ ಮಾರ್ಲಿ
ಸುಟಿ ಕೆಲ್ಯೊ ಮಾಸ್ಳ್ಯೊ ಹುಮ್ಟುನ್ ಉಡಯ್ಲೆಂ ಆಂತ್ ಪೀಂತ್ ಉರ್ಲೆ ಫಕತ್ ಕಣ್ಯಾಕ್ ಚಿಡ್ಕಲ್ಲೆ ಕೊಪೆ!
ಆತಾಂ ತಿ ಸುಕಿ ಮಾಸ್ಳಿ ವಿಕ್ತಾ ಸಾಂತೆಂತ್ ಚಾಕ್ಲ್ಯಾರ್ ಮೀಟ್ ಚಡ್ ಸುಕಯ್ತಾನಾ ಖರ್ಕಟ್ಯಾ ವೊತಾಂತ್ ಪಿಯೆತಾತ್ ಮಾಸ್ಳ್ಯೊ ತಿಚೊ ಘಾಮ್, ಥೊಡೆಪಾವ್ಟಿಂ ದುಕಾಂಯ್!
ಪಾಂತಿಯೆಚಿ ಯಾದ್ ಧೊಸನಾ ಆತಾಂ ತಿಚ್ಯೆ ದಿಶ್ಟೆಂತ್ - ನವ್ಯಾ ಹೊಕ್ಲೆಂನಿ ಮಾಳ್ಲ್ಲೆ ಕಳೆಯ್ ಕೊಣೆಂಗೀ ಚಿಂವೊನ್ ಕಾಡ್ಲ್ಲ್ಯಾ ಮಾಸ್ಳೆಕಾಂಟ್ಯಾಂಬರಿಚ್ ದಿಸ್ತಾತ್!
✍️ – ವಿಲ್ಸನ್ ಕಟೀಲ್
