📰 ನವೆಂಬರ್ ೩೦ ತಾರಿಕೆರ್ ಸಾಂಜೆರ್ ಕಾರ್ಮೆಲಿತ್ ಯಾಜಕ್ ಬಾಪ್ ರುಡೋಲ್ಫ್ ಡಿಸೋಜಾಚೊ ಧ್ಯಾನವನ ಪಬ್ಲಿಕೇಶನಾ ಥಾವ್ನ್ ಉಜ್ವಾಡಾಕ್ ಆಯಿಲ್ಲೊ ನವೊ ಬೂಕ್ ದಾಯ್ಜಿವರ್ಲ್ಡ್ ಸಂಸ್ಥ್ಯಾಂಚೊ ದಿರೆಕ್ತೊರ್ ಮಾನೆಸ್ತ್ ವಾಲ್ಟರ್ ನಂದಳಿಕೆನ್ ಗ್ಲೋರಿಯಾ-೨೦೨೪ ವ್ಯಾ ಕ್ಯಾರಲ್ಸ್ ಸ್ಫರ್ಧ್ಯಾಚಾ ಸಂಭ್ರಮಾ ವೆಳಾರ್ ಬಾಳೊಕ್ ಜೆಜುಚಾ ಪೂನ್‌ಶೆತಾಂತ್ ಮೊಕ್ಳಿಕ್ ಕೆಲೊ.

When I Cannot Pray: ಸಾತ್ವ್ಯಾ ಆವೃತಿಚಾ ಹ್ಯಾ ಬೂಕಾಕ್ ಕರ್ನಾಟಕ್ ಗೋಂಯ್ ಪ್ರಾಂತ್ಯಾಚಾ ಪ್ರಾಂತ್ರೀಯ್ ವ್ಹಡಿಲ್ ಬಾಪ್ ಸಿಲ್ವೆಸ್ಟರ್ ಡಿಸೋಜಾನ್ ಜೊಕ್ತೆಂ ಪ್ರಸ್ತಾವನ್ ಬರಯ್ಲಾಂ. ಹೊ ಬೂಕ್ ಮಾಗ್ಣ್ಯಾಚಿ ರೂಚ್ ಚಾಕುಂಕ್ ಪೆಚಾಡ್ಚ್ಯಾ ಜಾಯ್ತ್ಯಾ ಲೊಕಾಂಕ್ ಪ್ರೇರಣ್ ತಶೆಂಚ್ ಜೆಜುಕ್ ಲಾಗ್ಶಿಲಾನ್ ಒಳ್ಕುನ್ ಆಧಾರ್ ಜಾಂವ್ಕ್ ಪಾವ್ಲಾ.

ಮಟ್ವಿ ವಳಕ್: ಕರ್ನಾಟಕ್ ಗೋಂಯ್ ಪ್ರಾಂತ್ಯಾಚೊ ಕಾರ್ಮೆಲಿತ್ ಯಾಜಕ್ ದೊ. ರುಡೋಲ್ಫ್ ವಿ. ಡಿಸೋಜಾ, ಏಕ್ ಬರೊ ಬರವ್ಪಿ ಆನಿ ಪ್ರಸಂಗ್ ದಾರ್.  ತಾಂಚಿ ಜಾಯ್ತಿ ಲೇಖನಾಂ ವಿವಿಧ್ ಪತ್ರಾಂನಿ ಫಾಯ್ಸ್ ಜಾಲ್ಯಾಂತ್. ಮಾಗ್ಣೆಂ ಆನಿ ಆಧ್ಯಾತ್ಮಿಕ್ ಸಂಗ್ತಿವಿಶಿಂ ವಿಚಾರ್ ಗೋಷ್ಟಿ, ಕಾರ್ಯಾಗರ್ ಆನಿ ಸಮ್ಮೇಳನ್ ಕೆನಡಾಚ್ಯಾ ವೆವೆಗ್ಳ್ಯಾ ಸುವಾತ್ಯಾಂನಿ ಚಲವ್ನ್ ವ್ಹೆಲ್ಯಾತ್.

ಸಮಾಜ್‌ಶಾಸ್ತ್ರಾಂತ್ ಸ್ನಾತಕೋತ್ತರ್ ಪದ್ವಿ ಕರ್ನಾಟಕ್ ಯುನಿವರ್ಸಿಟಿಂತ್ ಥಾವ್ನ್ ತಶೆಂಚ್ ತೆರೇಜಿಯನ್ ಆನಿ ಸಂಜುವಾನಿಸ್ಟಿಕ್ ಶಿಕಪ್ ಅವಿಲಾಚಾ ಸ್ಪೇಯ್ನಾ ಥಾವ್ನ್ ಲಾಭ್ಲ್ಯಾ. ಫೊಂಟಿಫಿಕಲ್ ಆಧ್ಯಾತ್ಮಿಕ್ ಸಂಸ್ಥೊ ತೆರೆಜೀಯಾನುಮಾ ಥಾವ್ನ್ ಆಧ್ಯಾತ್ಮಿಕ್ ದೇವ್‌ಶಾಸ್ತ್ರಾಂತ್ ಲೈಸೈನ್ಸಿಯೇಟ್ ಪದ್ವಿ ಲಾಬ್ಲ್ಯಾ. ರೋಮಾಂತ್ಲ್ಯಾ ಪೊಂಟಿಫಿಕಲ್ ಗ್ರೆಗೊರಿಯನ್ ಆಧ್ಯಾತ್ಮಿಕ್ ಯುನಿವರ್ಸಿಟಿ ಥಾವ್ನ್ ಆದ್ಯಾತ್ಮಿಕ್ ತಶೆಂಚ್ ದೇವ್‌ಶಾಸ್ರ‍್ತಾಂತ್ ದೊತೊರ್ ಸನದ್ ತಾಣಿಂ ಆಪ್ಣಾಯ್ಲ್ಯಾ.