English 
Naman Ballok Jesu
ನಮಾನ್ ಬಾಳೊಕ್ ಜೆಜು, ಕೊಂಕ್ಣಿ ಮ್ಹಯ್ನ್ಯಾಳೆಂ
ಜಿವಿತಾಚೆ ಪ್ರಗತೆಕ್ ಆತ್ಮಿಕ್ ದಾಯ್ಜ್- ಮ್ಹಳ್ಳ್ಯಾ ಧ್ಯೆಯಾಖಾಲ್ ಉದೆವ್ನ್, ಆತಾಂ 16ವ್ಯಾ ವರ್ಸಾಚ್ಯಾ, ಪಯ್ಣಾರ್ ಆಸಾ ನಮಾನ್ ಬಾಳೊಕ್ ಜೆಜು, ಕೊಂಕ್ಣಿ ಮ್ಹಯ್ನ್ಯಾಳೆಂ.
ಪಾಟ್ಲ್ಯಾ 16 ವರ್ಸಾಂನಿ ಫಾಯ್ಸ್ ಜಾಲ್ಲೆ ನಮಾನ್ ಬಾಳೊಕ್ ಜೆಜು ಅಂಕೆ ಪಳೆಲೆ ತರ್ ಆಮ್ಚೆಂ ಪತ್ರ್ ಧಯ್ರಾದಿಕ್ ಬಾಳ್ ಜಾವ್ನ್, ಖರ್‍ಯಾ ಆತ್ಮ್ ವಿಶ್ವಾಸಾನ್ ಮುಕಾರುನ್ ಆಸಾ. ಅಂಕ್ಯಾ ಥಾವ್ನ್ ಅಂಕ್ಯಾಕ್ ಕೊಣೆಂಚ್ ಗಣ್ಣೆಂ ಕರಿನಾತ್ಲೆ ಸಮಾಜಿಕ್, ಧಾರ್ಮಿಕ್ ವಿಶಯ್ ಘೆವ್ನ್ ಪವಿತ್ರ್ ಸಭೆಚಿ ಶಿಕವ್ಣ್ ಆನಿ ಮೊಲಾಂ ಸ್ಪಶ್ಟ್ ದಿಶ್ಟಾವ್ಯಾ ಸಂಗಿಂ ಫಾಯ್ಸ್ ಕರ್‍ಚೆಂ ಧಯ್ರ್ ಆನಿ ಬದ್ಧತಾ ‘ನಮಾನ್ ಬಾಳೊಕ್ ಜೆಜು’ ದಾಕಯ್ತ್ ಆಸಾ.
ಮನಿಸ್ ವಾಡ್ತಾ. ಖರ್‍ಯಾನ್ ತೊ ವಾಡ್ಲಾ ತೆಂ ಸಮ್ಜುಂಚೆಂ ತಾಕಾ ಪಳೆವ್ನ್ ನ್ಹಯ್ ಬಗಾರ್ ತಾಚೆ ಭಂವ್ತಿಂ ಆಸ್ಚೆಯ್ ಕಿತ್ಲೆ ವಾಡ್ಲ್ಯಾತ್ ಪಳೆವ್ನ್! ತಶೆಂಚ್ ಏಕ್ ಪತ್ರ್. ನಮಾನ್ ಬಾಳೊಕ್ ಜೆಜು ಪತ್ರ್ ತಳ್ಟ್ಯಾಬರಿ ನೀಳ್ ಗಗನಾಕ್ ಉಭೆಂ ಜಾಂವ್ಚೆಂ ಆಶೆನ್ ರಾವುಂಕ್ ನಾ ಬಗಾರ್ ಪೊಣ್ಸಾ ರುಕಾಬರಿ ಚಾರ್ ಫಾಂಟೆ ತೆಣೆ, ಚಾರ್ ಹೆಣೆಂ ವಿಸ್ತಾರಾವ್ನ್ ಜಿಯೆವ್ನ್ ಆಸಾ. ವಾಚ್ಪಾ-ಬರ್‍ಪಾ ಸಾಂಗಾತಾ ಪತ್ರಾನ್ ಆಪ್ಲೆ ಫಾಂಟೆ ಅನಿಕೀ ವಿಸ್ತಾರಾವ್ನ್ ಕಾಂಯ್ ಇಲ್ಲಿ ಸಾವ್ಳಿ ಪೆಲ್ಯಾ ಕಂಪೌಂಡಾಕೀ ಮೆಳ್ಚೆಬರಿ ಪಳೆಲ್ಯಾ. ದಾಕ್ಲ್ಯಾಕ್ ಭಾಸ್, ಸಂಸ್ಕೃತಿ, ವಾಚ್ಪಾ ಸಂಬಂದಿತ್ ಹೆರ್ ಕಾರ್ಯಿಂ ಪತ್ರಾನ್ ಮಾಂಡುನ್ ಹಾಡ್ಲ್ಯಾಂತ್. ಹಾಚೆಥಾವ್ನ್ ಛಾಪ್ಯಾ ಭಾಯ್ರ್‌ಯೀ ಪತ್ರಾನ್ ವಾವ್ರ್ ಕೆಲಾ.
ಛಾಪ್ಯಾ ಆನಿ ಈಮಾಧ್ಯಮಾಂನಿ ಕಾರ್ಮೆಲಿತಾಂನಿ ಕಾಡ್‌ಲ್ಲೆಂ ಮೇಟ್ ಆಮ್ಕಾಂ ತೃಪ್ತೆಚೆಂ ಆಸಾ. ಟೆಕ್ನಾಲೊಜಿ ವೆಗಾನ್ ವಾಡ್ತಾ, ನವಿಂ ಸವಲಾಂ ಉದೆತಾತ್. ಧರ್ಮಿಕ್ ಜಿವಿತ್, ಸಮಾಜಿಕ್ ಜಿವಿತ್, ಕುಟ್ಮಾಚ್ಯಾ ಜಿವಿತಾಕ್ ವೆವೆಗ್ಳಿಂ ಪಂಥಾಹ್ವಾನಾಂ ಆಜ್ ಉದೆತಾತ್. ಹ್ಯಾ ವಿಶಯಾಂಚೆರ್ ಜಾಗೃತಿ ಹಾಡ್ಚೆಂ ಆಮ್ಚೆಂ ಕಾಮ್ ಛಾಪೊ ಆನಿ ಈ ಮಾಧ್ಯಮಾಂಚೆರ್ ಆಮಿ ದವರ್‍ತೆಲ್ಯಾಂವ್. ಎದೊಳ್ ಆಮ್ಕಾಂ ಪಾಟಿಂಬೊ ಆನಿ ಬೆಸಾಂವ್ ದಿಲ್ಲ್ಯಾ ತುಮ್ಕಾಂ ಸಮೆಸ್ತಾಂಕ್ ಕಾರ್ಮೆಲಿತ್ ಭಾವ್ ಆಮಿ ದೇವ್ ಬರೆಂ ಕರುಂ ಮ್ಹಣ್ತಾಂವ್. ಸರ್ವ್ ಪಂಥಾಹ್ವಾನಾಂ ಮಧೆಂಯ್ ತುಮಿ ಆವ್ಕ್ ದಿಲ್ಯಾರ್ ಛಾಪೊ ಆನಿ ಈ ಮಾಧ್ಯಮ್ ಖಂಡಿತ್ ಬರ್‍ಯಾನ್ ಚಲ್ತಲೆಂ ಮ್ಹಣ್ ಧಯ್ರ್ ಘೆತಾಂವ್.
First copy of the magazine release in Jan 2009
