📰 ಪೆಬ್ರವರಿ 27: ಪಾಪಾ ಪ್ರಾನ್ಸಿಸಾನ್ ರೊಮಾಚಾ ತೆರೆಜಿಯಾನುಮ್ ಕಾಲೆಜಿಂತ್ ರೆಕ್ಟರ್ ಜಾವ್ನ್ ಸೆವಾ ದೀವ್ನ್ ಆಸ್‌ಲ್ಲ್ಯಾ ಕಾರ್ಮೆಲಿತ್ ಯಾಜಕ್ ಮೊನ್ಸಿಂಜೊರ್ ಜೊಹಾನ್ಸೆಸ್ ಗೊರಾಂಟ್ಲಾಕ್ ಆಂಧ್ರಚ್ಯೆ ಕುರ್‌ನೊಲ್ ದಿಯೆಸೆಜಿಚೊ ನವೊ ಬಿಸ್ಪ್ ಮ್ಹಣ್ ಆಜ್ ನಿಯುಕ್ತ್ ಕೆಲಾ.

1974, ಫೆಬ್ರವರಿ 27ವೆರ್ ವಿಜಯವಾಡ ದಿಯೆಸೆಜಿಚ್ಯಾ ನವಾಬುಪೆಟಾಂತ್ ಜಲ್ಮಲ್ಲೆ ಮೊನ್ಸಿಂಜೊರ್ ಪ್ರಾಥಮಿಕ್ ಶಿಕಪ್ ಸಂಪವ್ನ್ ಮಾಗ್ಣೆಂ-ಧ್ಯಾನಾಚಿ ವೋಡ್ದ್ ಜಾವ್ನಾಸ್ಚ್ಯಾ ಕರ್ಮೆಲಿತ್ ವೊಡ್ದಿಕ್ ಭರ್‍ತಿ ಜಾತಾತ್. ಕೇರಳಾಂತ್ ಆಪ್ಲೆಂ ತತ್ವಶಾಸ್ತ್ರಾಚೆಂ ಶಿಕಪ್ ಸಂಪವ್ನ್ (1994-1997) ರೋಮಾಂತ್ಲ್ಯಾ ತೆರೆಜಿಯಾನುಮಾಂತ್ ದೇವ್‌ಶಾಸ್ತ್ರ್ ಶಿಕಾಪ್ (1998-2001) ಜೊಡ್ತಾತ್. ತಾಂಚಿ ಶಾಶ್ವತ್ ಆಂಗೊವ್ಣ್ 2000 ಜಾಲಿ ಆನಿ ದೋನ್ ವರ್ಸಾಂ ಉಪ್ರಾಂತ್ ಯಾಜಕೀ ದಿಖ್ಶಾಯ್ ಲಾಭ್ಲಿ.

ಸುರ್ವೆರ್ ಕಲ್ಲೂರು, ಕಮ್ಮಮಾಂತ್ ಸಹಾಯಕ್ ವಿಗಾರ್ ಜಾವ್ನ್ ಸೆವಾ (2002) ಜಾವ್ನ್ ಸೆವಾ ದಿತಚ್ ಉಂಚ್ಲ್ಯಾ ಶಿಕ್ಪಾಕ್ ರೊಮಾಕ್ ತೆ ಗೆಲೆ. ಪೊಂತಿಫಿಕಲ್ ಗ್ರೆಗೊರಿಯನ್ ಯುನಿವರ್ಸಿಟಿ ಥಾವ್ನ್ ದೊತೊರ್ ಸನದ್ (2006-2008) ಜೊಡ್ಲಿ. ತ್ಯಾ ಉಪ್ರಾಂತ್ ದೋನ್ ಆವ್ದೆಕ್ ಆಂಧ್ರಂತ್ ಪ್ರಾಂತೀಯ್ ವ್ಹಡಿಲ್ ಜಾವ್ನ್ ಕಾರ್ಮೆಲಿತ್ ಪ್ರಾಂತ್ ಉದರ್ಗತೆಕ್ ಹಾಡುಂಕ್ ಬರೊ ವಾವ್ರ್ ಕೆಲೊ. ವೆವೆಗ್ಳ್ಯಾ ಸೆಮಿನರಿಂನಿ ಜಾಯ್ತ್ಯಾ ಸೆಮಿನರಿಸ್ತಾಂಕ್ ದೇವ್ ಶಾಸ್ತ್ರ್ ಶಿಕಯಿಲ್ಲೊ ಅನ್ಭವ್ ತಾಂಚೊ.

2015-2021ವ್ಯಾ ವರ್ಸಾಕ್ ಕಾರ್ಮೆಲಿತಾಂಚೊ ಡೆಫಿನೇಟರ್ ಜನರಲ್ ಜಾವ್ನ್ ಸೆವಾ ದಿಲ್ಲ್ಯಾ ತಾಂಕಾಂ, ತ್ಯಾ ಫುಡೆಂ

 ರೆಕ್ಟರ್ ಜಾವ್ನ್ ರೊಮಾಚಾ ಮಿಸ್ಸಿಯೊನುಮ್ ಕಾಲೇಜಿಂತ್ ಸೆವಾ ದಿಂವ್ಚೊ ಸಂದರ್ಭ್ ಮೆಳ್ಳೊ. ಬರೆ ವಾಗ್ಮಿ ಮಾತ್ರ್ ನ್ಹಯ್ ಸಂಘಟನಾತ್ಮಕ್ ವಾವ್ರಾಂತ್ ಹೆಳ್’ಲ್ಲ್ಯಾ ತಾಂಕಾಂ ಏಕ್ ದಿಯೆಸೆಜ್ ಭಾಂದುನ್ ಹಾಡ್ಚೊಯ್ ಆವ್ಕಾಸ್ ಫಾವೊ ಜಾಲಾ.