ಹಾತ್ ಧರ್‍ನ್ ಮ್ಹಜೊ
ಮೊಗಾ ದರ್ಯಾಂತ್ ಪಯ್ಣ್ 
ನಿರ್ಮಿಲೆಂಯ್ ತುವೆಂ;
ಹಾಂವ್ ಉಪ್ಯೆತ್ ಗೆಲೊಂ!

ಎಕ್ಸುರೆಂ ಆಸ್ಲೆಲ್ಯಾಚೆಂ ಜಿವಿತ್
ಮೊಗಾಕಿರ್ಣಾನ್ 
ಉಜ್ವಾಡಾಯ್ಲೆಂಯ್ ತುವೆಂ 
ಹಾಂವ್ ಸಪ್ಣೆತ್ ರಾವ್ಲೊಂ!

ಹಾಂವ್ ಪಾತ್ಯೆತ್ ರಾವ್ಲೊಂ
ದರ್ಯಾ ಗುಂಡಾಯ್ ನೆಣಾಸ್ತಾಂ
ತೊಪ್ಚ್ಯಾ ಕಿರ್ಣಾಂಚಿ ಧಾರ್ ಸಮ್ಜನಾಸ್ತಾಂ..
ಉಜ್ವಡ್ತಾನಾ ತುಂ
ದುಸ್ರ್ಯಾ ದರ್ಯಾಚ್ಯಾ ಬಾವ್ಳ್ಯಾಂನಿ
ಸುಶೆಗಾತ್ ಉಮೆತಾಲೆಂಯ್

ಆತಾಂ ಪಳೆ
ಮ್ಹಜೊ ದರ್ಯೊ ಮೆಲಾ
ಲ್ಹಾರಾಂಚೊ ನಾಚ್ ಸಂಪ್ಲಾ
ಚಂದ್ರ್ ಕುಪಾಂನಿ ಲಿಪ್ಲಾ 
ಹಾಂವ್ ಕಾಳಿಜ್ ಹುಲ್ಪಾವ್ನ್ ಘೆವ್ನ್
ದರ್ಯಾಕ್ ಭುಜಯ್ತ್ ಆಸಾಂ!