📰 ನವೆಂಬರ್-06: ಕೋಟೇಶ್ವರಾಚ್ಯಾ ಸಾಂ ಅಂತೊನ್ ಫಿರ್ಗಜೆಚ್ಯಾ ವಾರ್ಶಿಕ್ ಫೆಸ್ತಾ ಸಂದರ್ಭಿಂ 06ವೆರ್ ಬುದ್ವಾರಾ ಸಾಂಜೆರ್ ಕಟ್ಕೆರೆಚ್ಯಾ ಕಾರ್ಮೆಲ್ ಆಶ್ರಮಾಂತ್ ಕಾರ್ಮೆಲಿತ್ ಫ್ರಾದ್ ಜೊ.ಸಿ.ಸಿದ್ದಕಟ್ಟೆ ವಿರಚಿತ್ ಆನಿ ನಿರ್ದೇಶಿತ್ ನವೊ ಕೊಂಕ್ಣಿ ಹಾಸ್ಯ್ ನಾಟಕ್ – ’ಅಮರ್ ಅಂತೋಣಿ’ ಪ್ರದರ್ಶಿತ್ ಜಾಲೊ. ಪ್ರಸ್ತುತ್ ಯುವಜಣಾಂ ಮಧೆಂ ಬೆಕಾರ್’ಪಣಾಚೊ ವಿಶಯ್ ಮುಕಾರ್ ದವ್ರುನ್ ಹಾಸ್ಯಾಭರಿತ್ ಸನ್ನಿವೆಶಾಂನಿ ವಿಣ್ಲಲೊ ನಾಟಕ್ ಪ್ರೇಕ್ಶಕಾಂಚೆ ಮೆಚ್ವಣೆಕ್ ಪಾತ್ರ್ ಜಾಲೊ ಮಾತ್ರ್ ನ್ಹಯ್ ಬರ್‍ಯಾ ಲಿಸಾಂವಾನ್ ತೃಪ್ತ್ ಕರಿಲಾಗ್ಲೊ.

ಹ್ಯಾ ನಾಟಕಾಕ್ ಸಹನಿರ್ದೇಶನ್ ದೀವ್ನ್ ನಟನ್ ಕೆಲ್ಲ್ಯಾ ಸಂತೋಶ್ ಮಾರ್ಟಿಸ್ ಹಾಚೊ ಪಾತ್ರ್ ಮೆಚ್ವಣೆಕ್ ಪಾತ್ರ್ ಜಾತಾನಾ ತಾಚೆ ಸಾಂಗಾತಾ ಆಸ್ಲಲೊ ಪಾತ್ರ್ ವರ್ಗ್ – ವಂ. ಪ್ರವೀಣ್ ಪಿಂಟೊ, ಉಲ್ಲಾಸ್ ಫೆರ್ನಾಂಡಿಸ್, ವಿಜಯ್ ಬಾರೆಟ್ಟೊ, ಲೀನಾ ಡಿ ಮೆಲ್ಲೊ, ಫ್ರೆಡ್ಡಿ ಕ್ರಾಸ್ತಾ, ಎಡ್ವರ್ಡ್ ಕ್ಯಾಸ್ತೆಲಿನೊ, ಮನಿಶಾ ಡಿ ಮೆಲ್ಲೊ, ನ್ಯೂಟನ್ ಕ್ರಾಸ್ತಾ, ಜಿ.ಎಮ್ ಕ್ರಾಸ್ತಾ, ಎವಿಟಾ ಗೊನ್ಸಾಲ್ವಿಸ್. ಹ್ಯಾ ನಾಟಕಾಕ್ ಸಂಗೀತ್ ನಿರ್ದೇಶನ್ ದಿಯಾಕೊನ್ ಪ್ರೀತೇಶ್ ಕ್ರಾಸ್ತ ಆನಿ ಆಲ್ವಿನ್ ಬಾರೆಟ್ಟೊ ಹಾಣಿಂ ದಿಲಾಂ.