English 
ಕಾರ್ವಾರ್ ದಿಯೆಸೆಜಿಕ್ ಲಾಭ್ಲೊ ನವೊ ಗೊವ್ಳಿ 
-ಪೀಟರ್ ಮಚಾದೊ, ಆರ್ಚ್ ಬಿಸ್ಪ್, ಬೆಂಗ್ಳುರ್
ಜಾತ್ಯಾತೀತ್ ಸರ್ಕಾರ್ ರಚಿತ್ ಜಾಂವ್ಕ್ ಲೋಕ್ ಸಭಾ ಎಲಿಸಾಂವಾಂತ್ ಹರ್ಯೆಕಾ ಕ್ರೀಸ್ತಾಂವಾಂನಿ ವೋಟ್ ಘಾಲುಂಕ್ ಜಾಯ್ ಮ್ಹಣ್ ಬೆಂಗ್ಳುರ್ ಆರ್ಚ್ ದಿಯೆಸೆಜಿಚ್ಯಾ ಆರ್ಚ್ ಬಿಸ್ಪ್ ಪೀಟರ್ ಮಚಾದೊನ್ ಎಪ್ರಿಲಾಚಾ 7 ತಾರಿಕೆರ್ ಲೋಗೊಸ್ ರೆತಿರೆ ಮಂದಿರಾಂತ್ ಶೆರ್ಮಾಂವಾ ವೆಳಾರ್ ಉಲೊ ದಿಲೊ.
ರೀಜನಲ್ ಕ್ಯಾಥೊಲಿಕ್ ಬಿಸ್ಪಾ ಮಂಡಳೆಚೆ ಅಧ್ಯಕ್ಷ್ ಜಾವ್ನಾಸ್ಚ್ಯಾ ತಾಂಣಿಂ ದೇಶಾಕ್ ಏಕ್ ಬರೊ ಫುಡಾರ್ ರೂಪಿತ್ ಕರ್ಚ್ಯಾ ವಾವ್ರಾಂತ್ ವೋಟ್ ಘಾಲ್ಚಿ ನೈತಿಕ್ ಜವಬ್ದಾರಿ ಹರ್ಯೆಕ್ಲ್ಯಾಕ್ ಆಸಾ. ಪರ್ಜೆ ರಾಜಾಚ್ಯೆ ಸಂಗ್ತಿ ಥಂಯ್ ಬೆಪಾರ್ವಾ ದಾಕಯ್ಲಿ ತರ್ ತೆಂ ಏಕ್ ವ್ಹಡ್ ಪಾತಕ್ ತಶೆಂಚ್ ಆಮ್ಚ್ಯಾ ದೇಶಾಕ್ ವಿಕ್ರಿತ್ ಕೆಲ್ಲೆಬರಿ ಜಾತಾ ಮ್ಹಣ್ ಅಭಿಪ್ರಾಯ್ ಉಚಾರ್‍ಲ್ಯಾ.
ಹೆರ್ ವೆಳಾ ಮಾಧ್ಯಮಾಲಾಗಿಂ ಉಲಯಿಲ್ಲ್ಯಾ ತಾಣಿಂ “ಕಶೆಂ ಸ್ವಾಸ್ ಜಿವಿತಾಚೊ ಗುರ್ತ್, ತಶೆಂಚ್ ಪರ್ಜೆ ರಾಜಾಂತ್ ವೋಟ್ ಘಾಲ್ಚೊಯ್ ಜಿವಾಳಾಯೆಚೊ ಸಂಕೇತ್. ಎಕ್ಲೊ ವೋಟ್ ಘಾಲಿನಾ ತರ್ ಕುಡಿಚೊ ಜಿವಾಕಣ್ ಕ್ರಿಯಾಳ್ ನಾತ್ಲೆಬರಿ. “ಚುನಾವ್ ಪ್ರಕ್ರಿಯೆಂತ್ ಆರ್ಹ್ ಸಾಂದೆ ಆಮಿ ಜಾವ್ನಾಸಾಂವ್ ದೆಕುನ್ ಹರ್ಯೆಕ್ಲ್ಯಾನ್ ವೋಟ್ ಘಾಲ್ಚೊ ಗರ್ಜೆಚೊ”, ಮ್ಹಣ್ ಲೊಕಾಕ್ ವಿನತಿ ಕರ್‍ತಾನಾ, ಹ್ಯಾ ಪಾವ್ಟಿಂ ಚುನಾವಾವೆಳಾ ಸಕ್ಡಾಂನಿ ಉಡಾಸಾಂತ್ ದವ್ರುಂಕ್ ಜಾಯ್ ಜಾಲ್ಲೊ ವಿಶಯ್ ಉಲ್ಲೇಕ್ ಕೆಲೊ.
“ಭಾರತಾಚೊ ಜಾತ್ಯಾತೀತ್ ಸ್ವಭಾವ್ ಉರೊಂವ್ಚೊ ಗರ್ಜೆಚೊ ವಿಷಯ್. ಕೆದೊಳ್ ಪರ್ಯಾಂತ್ ಆಮ್ಚೊ ದೇಶ್ ಜಾತ್ಯಾತೀತ್ ಜಾವ್ನ್ ಉರ್‍ತಾ, ತೆದೊಳ್ ಪರ್ಯಾಂತ್ ಆಮ್ಚೊ ದೇಶ್ ಸಂಸಾರಾಚ್ಯಾ ಮ್ಹಾತ್ಯಾರ್ ಉಂಚ್ಲ್ಯಾ ಸ್ಥಾನಾರ್ ಆಸ್ತಲೊ. ಭಾರತ್ ದೇಶ್ ’ಬಾರತ್ ಮಾತೆಚಾ’ ಮಾಂತಾಖಾಲ್ ಸಕ್ಡಾಂಕ್ ಶಾಂತಿನ್ ಜಿಯೆಂವ್ಕ್ ಆವ್ಕಾಸ್ ದಿತಾ. ದುಸ್ರ್ಯಾನ್ ಸಂವಿಧಾನಾಚ್ಯಾ ಮೊಲಾಂಕ್ ಸಾಥ್ ದಿವ್ನ್ ಭಷ್ಟಾಚಾರ್ ಆನಿ ಕೋಮುವಾದಾಕ್ ವಿರೋಧ್ ದಾಕಂವ್ಚೊಯ್ ಹ್ಯಾ ಚುನಾವಾಚೊ ಉದ್ದೇಶ್ ಆಸ್ಚೊ ಬರೊ”.
ಫುಡೆಂ ಸರ್ಕಾರ್ ರಚಿತ್ ಕರ್ತೆಲ್ಯಾಂನಿ ’ತಾಂಚೆಂ ಆಡಳ್ತೆಂ ದೀರ್ಘ್ ಕಾಳ್ ಬಾಳ್ವಜೆ ತರ್ ದೆಶಾಚಿ ಹಿತಾಸಕ್ತ್ ಆಪ್ಲ್ಯಾ ಸ್ವತಚ್ಯಾ ಫಾಯ್ದ್ಯಾಪ್ರಾಸ್ ವಯ್ರ್ ದವರ್‍ಲ್ಯಾರ್ ಮಾತ್ರ್ ತೆಂ ಸಾಧ್’ ಮ್ಹಣ್ ಅಭಿಪ್ರಾಯ್ ವೆಕ್ತ್ ಕೆಲ್ಯಾ.
