ಬಾಪ್ ಸ್ಟ್ಯಾನ್ ಸ್ವಾಮಿ ಆದಿವಾಸಿ ಲೊಕಾಚ್ಯಾ ಹಕ್ಕಾಂ ಖಾತಿರ್ ಜಿಯೆವ್ನ್  ಸರ್ಕಾರಾಚೆ ಫಿತೂರೆನ್ ಜಯ್ಲಾಂತ್ ಮರಣ್ ಪಾವ್’ಲ್ಲಿ ಗಜಾಲ್ ಆಮ್ಕಾಂ ಸಕ್ಡಾಂಕ್ ಕಳಿತ್ ಆಸಾ. ತೊ ಮಾಡ್ತಿರ್ ಜಾವ್ನ್ ತೀನ್ ವರ್ಸಾಂ ಜಾಲಿಂ. ಚಡಾವತ್ ಏಕ್ ದೋನ್ ವರ್ಸಾಂ ಭಿತರ್ ಲೊಖ್ ಸಗ್ಳೆಂಯ್ ವಿಸರ್‍ತಾ. ಪುಣ್ ಬಾಪ್ ಸ್ವಾಮಿಚ್ಯಾ ಮಾಂಯ್ಗಾಂವಾಂತ್ ತಾಕಾ ಜಿವೊ ದವರ್‍ಚಿ ನವಿ ಚಳ್ವಳ್ ಜಾಲ್ಯಾ.

 ಬಾಪ್ ಸ್ಟ್ಯಾನ್ ಸ್ವಾಮಿಚೆಂ ಮೂಳ್ ತಮಿಳ್ನಾಡಾಚೊ ವೀರಗಲೂರಿ ಗ್ರಾಮ. ಥಂಯ್ಚ್ಯಾ ಯುವಜಣಾಂನಿ ಮೆಳೊನ್ ಬಾಪ್ ಸ್ವಾಮಿಚ್ಯಾ ನಾಂವಾರ್ ಏಕ್ ಸಂಘ್ ಸ್ಥಾಪ್ಲಾ.  ದುಬ್ಳೊ ಜಾವ್ನ್ ಜಿಯೆವ್ನ್ ಆಪ್ಣಾಚೊ ಜೀವ್ ಆದಿವಾಸಿ ಲೊಕಾಖಾತಿರ್ ಬಲಿದಾನ್ ಜಾವ್ನ್ ಅರ್ಪಿಲ್ಯಾ ಬಾಪ್ ಸ್ಟ್ಯಾನಿ ಸ್ವಾಮಿಚ್ಯಾ ಜಿವಿತಾಚೆಂ ದಾಯ್ಜ್ ಜಿವಂತ್ ಉರ್‍ಚ್ಯಾಕ್ ತಾಣಿಂ ಪ್ರತಿಜ್ಞಾ ಕೆಲ್ಯಾ.

(ಜುಲಾಯ್ 6 ತಾರಿಕೆರ್ ತಮಿಳ್‌ನಾಡಾಂತ್ ಬಾಪ್ ಸ್ಟ್ಯಾನ್ ಸ್ವಾಮಿಕ್ ನಮಾನ್ ಪಾಟಂವ್ಕ್ ಮಾಲಿಕಾನ್ ಆಪ್ಣಾಚಾ ಗಾಯ್ಕ್  ಅರ್ಪುಂಚಿಂ ತಸ್ವೀರ್. ಗೊರ್ವಾಂಕ್ ದಕ್ಷಿಣ್ ಭಾರತಾಚಾ ರಾಜ್ಯಾಂತ್ ಚಡಿತ್ ಗೌರವಾನ್ ಪಳಯ್ತಾತ್)

“ಬಾಪ್ ಸ್ಟ್ಯಾನ್ ಸ್ವಾಮಿಚೆಂ ಜಿವಿತ್ ಅಮರ್ ದವರುಂಕ್ ಜಾಯ್. ಕಿತ್ಯಾಕ್ ಆಪ್ಲೆಂ ಜಿವಿತ್ ತಾಣೆಂ ಕಷ್ಟಾಂಕ್ ಒಳಗ್ ಜಾಲ್ಲ್ಯಾಂಕ್, ಧಯ್ರಾನ್ ಉಲಂವ್ಕ್ ಜಾಯ್ನಾತ್ಲ್ಯಾ ಲೊಕಾಚ್ಯೆ ಸೆವೆಕ್ ಅರ್ಪಿಲ್ಲೆಂ” ಮ್ಹಣ್ ಶೆರ್ಲಿನ್ ಎಸ್. (grandniece) ತಾಚಾ ಮರ್ಣಾಚಾ ತಿಸ್ರ್ಯಾ ವರ್ಸಾಚಾ ವಾರ್ಷಿಕ್ ದಿಸಾ ಮಣಾಲಿ.

ಬಾಪ್ ಸ್ವಾಮಿ ಜುಲಾಯ್ 5, 2021ವೆರ್ ಪಶ್ಚಿಮ್ ಮಹಾರಾಷ್ಟ್ರಾಚಾ ಮುಂಬಯ್ ಖಾಸ್ಗಿ ಆಸ್ಪತ್ರೆಂತ್ ನಿರಾಪ್ರಾಧಿ ಬಂಧಿ ಜಾವ್ನ್ 84 ವ್ಯಾ ಪ್ರಾಯೆರ್ ತೊ ಮರಣ್ ಪಾವ್ಲೊ. ಆದಿವಾಸಿಂಚ್ಯಾ ಹಕ್ಕಾಂ ಖಾತಿರ್ ಝುಜ್ಲ್ಯಾರೀ ತೊ ದೀಶ್’ದ್ರೋಹಿ ಆನಿ ಪ್ರಧಾನಿ ಮಂತ್ರಿ ಮೋದಿಕ್ ಜಿವಿಶಿಂ ಮಾರುಂಕ್ ಘುಟ್ಮಳ್ ಕರ್‍ಚ್ಯಾಂತ್ ವಾಂಟೆಲಿ ಮ್ಹಣ್ ತಾಚೆರ್ ಆರೋಪ್ ಆಸ್ಲೊ. 

ಜೂನಾಚ್ಯೆ ಸ ತಾರಿಕೆರ್  ತಮಿಳ್‌ನಾಡುಚ್ಯೆ ದುಖಿ ಸಾಯ್ಭಿಣಿಚ್ಯೆ ಇಗರ್ಜೆಂತ್ ಮರ್ಣಾಚಾ ತಿಸ್ರ್ಯಾ ವಾರ್ಷಿಕ್ ದಿಸಾ ಹಾಜರ್ ಜಾಲ್ಲ್ಯಾ ಸಂಘಾಚಿ ಅಧ್ಯಕ್ಷ್ ಶೆರ್ಲಿನಾನ್ “ಮರಣ್ ಪಾವ್‌ಲ್ಲ್ಯಾ ಸ್ಟಾನಿ ಸ್ವಾಮಿ ಥಾವ್ನ್ ಆಮಿ ಪ್ರೇರಣ್ ಜೊಡಿಜಯ್” ಮ್ಹಣ್ ದಾಂಬುನ್ ಸಾಂಗ್ಲೆಂ. ಸಂಘಾಚಿ ಜಾರ್ಖಾಂಡ್ ರಾಜ್ಯಾಂತ್ ಆದಿವಾಸಿ ಲೊಕಾಂಕ್ ಜೆಜ್ವಿತ್ ಯಾಜಕಾನ್ ಪ್ರಾರಂಭ್ ಕೆಲ್ಲ್ಯಾ ಕೇಂದ್ರಾಕ್ ಭೆಟ್ ದಿತೆಲ್ಯಾಂವ್ ಮ್ಹಣ್ ಕಳಯ್ಲೆಂ.

ಕುಂಭಕೋಣಾಚೊ ಭಿಸ್ಪ್ ಜೀವಾನಂದಂ ಅಮಲನಾಥನಾನ್ ಬಾಪ್ ಸ್ಟ್ಯಾನ್ ಸ್ವಾಮಿಚಿ ದೆಖಿಭರಿತ್ ಆನಿ ಸಮರ್ಪಿತ್ ಜಿಣ್ಯೆಚಿ ವಾಖಾಣ್ಣಿ ಕೆಲಿ. ಜೆಜುಚಾ ಶಿಕೊವ್ಣೆ ಪರ್ಮಾಣೆಂ ಸತಾ ವಾಟೆನ್ ಜಿಯೆವ್ನ್ ಜಿಣಿ ಬಲಿದಾನ್ ಜಾವ್ನ್ ತಾಣೆಂ ಭೆಟಯ್ಲ್ಯಾ. 

ಬಿಜೆಪಿ ಸರ್ಕಾರಾನ್ ವಸಾಯುತ್ ಯುಗಾಚೆ ಅರಣ್ಯ್ ಕಾನೂನ್ ಬದ್ಲಾವಣ್ ಕರ್‍ತಾನಾ ಸ್ಟ್ಯಾನಿ ಸ್ವಾಮಿನ್ ಜಾಯ್ತಿ ಪ್ರತಿಭಟನಾ ಕರುಂಕ್ ಮುಕೇಲ್ಪಣ್ ಘೆತ್ಲೆಂ. ಆದಿವಾಸಿ ಲೊಕಾಚೊ ಜಾಗೊ ಕಾಣ್ಭೆಂವ್ಕ್ ನ್ಹಜೊ ಮ್ಹಳ್ಳೊ ನಿಶೇದ್ ಘಾಲೊ.  ಹ್ಯಾ ಖಾತಿರ್ ಆಕ್ಟೋಬರ್ 8, 2020 ಇಸ್ವೆಂತ್ ತಾಕಾ ಬಂದೆಂತ್ ಘಾಲೊ. ತಾಚಾ ಸಾಂಗಾತಾ 16 ಜಣಾಂಕೀ ಜಯ್ಲಾಂತ್ ಬಂಧಿ ಕೆಲೆಂ. ದ್ರೇಶ್‌ದೋಹಿ, ಆಕಾಂತ್‌ವಾದಿ ಮ್ಹಳ್ಳೊ ಬಿಲ್ಲೊ ತಾಚೆರ್ ಪಡ್ಲೊ. ಪಾರ್ಕಿಸ್ಸನ್ ಪಿಡೆನ್ ವ್ಹಳ್ವಳುನ್ ಭಲಾಯ್ಕಿ ಭಿಗಡ್ಲ್ಯಾರಿ  ಉಂಚ್ಲ್ಯಾ ಕೊರ್ಟಾನ್ ತಾಕಾ ಜಾಮೀನ್ ಸಯ್ತ್ ಮೆಳೊಂಕ್  ನಾ. ಪಿಡಾ ಚಡತ್ ವೆತಾನಾ ತಾಕಾ ಎಕಾ ಆಸ್ಪತ್ರೆಕ್ ದಾಖಲ್ ಕೆಲೊ ಆನಿ ಥಂಯ್ಸರ್ ತೊ ಮರಣ್ ಪಾವ್ಲೊ.

ತಾಚಾ ಮರ್ಣಾಚಾ ತಿಸ್ರ್ಯಾ ವಾರ್ಷಿಕ್ ದಿಸಾ- ಹಿಡನ್ ಟ್ರೂತ್ ಆನಿ ಡಿನೈಡ್ ಜಸ್ಟಿಸ್ ಮ್ಹಳ್ಳೊ ಬೂಕ್ ಮೊಕ್ಳಿಕ್ ಕೆಲಾ. ಇಂಗ್ಲೀಷ್ ತಶೆಂಚ್ ತಮಿಳ್ ಭಾಶೆಂತ್ ಆಸಾ.  ಬಾಪ್ ಸ್ಟ್ಯಾನ್ ಸ್ವಾಮಿಕ್ ಕಂಪ್ಯೂಟರ್ ಹಾರ್ಡ್‌ಡ್ರೈವಾಂತ್ ಪ್ಲ್ಯಾಂಟ್ ಕೆಲ್ಲ್ಯಾ ಸಾಕ್ಸ್ ಹಾಕಾ ಆಧಾರ್ ಜಾವ್ನ್ ಬಂದಿ ಕೆಲ್ಲ್ಯಾವಿಶಿಂ ವಿವರಣ್ ಆಟಾಪ್ತಾ ಮ್ಹಣ್ ಮಾಸಾಚೂಸೆಟ್ಟ್ ಆಧಾರಿತ್ ಆರ್ಸೆನಲ್ ಕ್ವಾನ್ಸಲಿಂಗ್ ಡಿಜಿಟನ್ ಫೋರೆನ್ಸಿಕ್ ಸಂಸ್ಥ್ಯಾನ್ ಕಳಯ್ಲಾಂ.