ಬೊರಿಮಾರ್ ಫಿರ್ಗಜೆಚಾ ಅನಿಲ್ ಜೋನ್ ಸಿಕ್ವೇರಾ ಕರ್ನಾಟಕ ಸಿವಿಲ್ ಜಾಡ್ಜ್ -2023ಂತ್ ಸುರ‍್ವಿಲ್ಲಿ, ಮಧ್ಯಮ್ ಆನಿ ಇಂಟರ್‌ವಿವ್ ಪರೀಕ್ಷೆಂತ್ ಉತ್ತೀರ್ಣ್ ಜಾವ್ನ್  ಕರ್ನಾಟಕಾಂತ್  ಲ್ಹಾನ್ ಪ್ರಾಯೆರ್ ಉತ್ತೀಣ್ ಜಾಲ್ಲೊ ಪಯ್ಲೊ ಜಡ್ಜ್ (ಜುಡಿಶಿಯಲ್ ಮೆಜಿಸ್ಟ್ರೇಟ್) ಜಾಲಾ.

ಬೊರಿಮಾರಾಂತ್  ಸುರ್ವಿಲ್ಲೆಂ ಶಿಕಾಪ್ ಆನಿ ಮಾಣಿಂತ್ ಹೈಸ್ಕೂಲ್ ಶಿಕಾಪ್  ಆನಿ ಸಾಂ ಫಿಲೊಮೆನಾ ಕಾಲೇಜ್ ಪುತ್ತೂರಾಂತ್ ಪಿಯುಸಿ ಸಂಪ್ತಚ್ ಮಂಗ್ಳುರ್ಚ್ಯಾ ಎಸ್‌ಡಿಎಮ್ ಲೋ ಕಾಲೆಜಿಂತ್ ಬಿಬಿಎ ಎಲ್‌ಎಲ್‌ಬಿ ಸಂಪಯ್ಲ್ಯಾ  ಅನಿಲಾನ್ ತಾಂಚ್ಯಾ ಶಿಕ್ಷಾ ಪಯ್ಣಾಂತ್  ಹರ‍್ಯೇಕಾ ಹಂತಾಂತ್ ಹುಶಾರ‍್ಗಾಯ್ ದಾಕಯ್ಲ್ಯಾ.

ಶಿಕ್ಪಾಂತ್ ನ್ಹಯ್ ಆಸ್ತಾಂ ಇಸ್ಕೊಲಾಂತ್ ಮುಕೆಲಿ ಜಾವ್ನ್ ಜವಬ್ದಾರಿ ಘೆತ್ಲ್ಯಾತ್. ಸತತ್ 2 ವರ್ಸಾಂ ಎಸ್‌ಡಿಎಮ್ ಕಾಲೆಜಿಂತ್ ಕ್ಲಾಸ್ ಪ್ರತಿನಿಧಿ ತಶೆಂಚ್ ಲೈಬ್ರೆರಿ ಎಡ್‌ವೈಸರಿ ಕಮಿಟಿಚೊ ಸಂಯೋಜಕ್  ಜಾವ್ನ್ ಮುಕೇಲ್ಪಣ್ ಘೆತ್ಲಾಂ.

2022 ವರ‍್ಸಾ ಮಂಗ್ಳುರ್ ದಿಯೆಸಿಜಿಚಾ ಭಾರತೀಯ್ ಕಥೊಲಿಕ್ ಯುವ ಸಂಚಲನಾಚೊ ( ICYM)ಆದ್ಯಕ್ಷ್ ಜಾವ್ನ್ ಸೆವಾ ದಿಲ್ಯಾ.